AZE
@dixi.az
Əmək hüquqlarını qoruyaq
Respublika Birliyi üzvlərinin sayı
Qadın üzvlərimizin sayı
Kişi üzvlərimizin sayı
Bağlanmış kollektiv saziş və müqavilələrin sayı
Həll edilmiş əmək mübahisələrinin sayı
Dövlət idarələrində və ictimai xidmət sahəsində çalışan minlərlə işçini bir yerdə toplayaraq 1412 təşkilat yaratdıq. Geniş üzvlük bazamız və səmərəli proqramlarımızla əmək və sosial-iqtisadi hüquqlarınızın və maddi rifahınızın qorunmasında ölkənin qabaqcıl həmkarlar ittifaqı birliklərindən biri olaraq fəaliyyət göstəririk.
1 əsrlik təcrübə ilə ədalətli əmək, layiqli iş yerləri və sosial-iqtisadi hüquqların təminini tələb edirik.
İttifaqımızın fəaliyyəti və keçirilən tədbirlər haqqında aktual məlumatlar
6 Noyabr 2026
3 Noyabr 2026
3 noyabr 2026-cı il tarixində Ağcabədi rayonunda Azərbaycan Dövlət İdarələri və İctimai Xidmət İşçiləri Həmkarlar İttifaqı (ADİİXİ Hİ) Respublika Birliyinin təşkilatçılığı və Mediasiya Şurasının nümayəndələrinin iştirakı ilə növbəti zona seminarı keçirilmişdir. Tədbirdə Beyləqan, İmişli, Saatlı, Sabirabad, Xocavənd, Kürdəmir, Zərdab, Ağdam, Bərdə və Ağcabədi rayonlarının həmkarlar ittifaqı komitələrindən ümumilikdə 75 nümayəndə iştirak etmişdir. Seminarda Respublika Birliyi sədrinin birinci müavini, Ağcabədi Rayon İcra Hakimiyyəti başçısının müavini və Mediasiya Şurasının zona üzrə nümayəndələri iştirak edərək çıxış etmişlər. Tədbir çərçivəsində aşağıdakı əsas istiqamətlər üzrə geniş müzakirələr aparılmışdır: Əmək mübahisələrinin həlli və hüquqi maarifləndirmənin gücləndirilməsi; Kollektiv əmək mübahisələrinin tənzimlənməsi və mediasiya imkanları; Həmkarlar ittifaqı komitələri ilə mediasiya təşkilatları arasında əməkdaşlıq məsələləri. Seminar qarşılıqlı fikir mübadiləsi və interaktiv dialoq şəraitində başa çatmışdır.
30 Oktyabr 2026
Azərbaycan Həmkarlar İttifaqları Konfederasiyasında (AHİK) Mediasiya Şurasının nümayəndələri ilə görüş keçirilib. Tədbir çərçivəsində Mediasiya Şurasında yeni təsis olunmuş ilk həmkarlar ittifaqı təşkilatının AHİK sisteminə inteqrasiyası rəsmiləşdirilib. Görüşdə əvvəlcə Konfederasiyanın həyata keçirdiyi son islahatlara həsr olunmuş videoçarx nümayiş etdirilib. Tədbirdə çıxış edən AHİK sədri Sahib Məmmədov Azərbaycan Respublikasının Prezidenti cənab İlham Əliyevin rəhbərliyi ilə ölkənin iqtisadi qüdrətinin möhkəmləndirilməsi və vətəndaşların sosial rifahının yüksəldilməsi istiqamətində həyata keçirilən məqsədyönlü siyasətin həmkarlar hərəkatının inkişafına böyük təkan verdiyini bildirib. O, həmçinin Birinci vitse-prezident hörmətli Mehriban xanım Əliyevanın sosial təşəbbüslərinin xüsusi önəmini vurğulayıb. AHİK sədri qeyd edib ki, həmkarlar ittifaqı sistemində rəqəmsal həllər geniş tətbiq olunur, xidmətlərin əlçatanlığı artırılır və sosial layihələrin əhatə dairəsi genişləndirilir. O, Mediasiya Şurasında ilk həmkarlar ittifaqı təşkilatının yaradılmasının əmək hüquqlarının kollektiv müdafiəsinə, sağlam əmək münasibətlərinin inkişafına və həmrəyliyin möhkəmləndirilməsinə mühüm töhfə verəcəyini diqqətə çatdırıb. Mediasiya Şurasının İdarə Heyətinin sədri Nadir Adilov çıxışında ölkəmizdə mediasiya institutunun fəaliyyətindən, bu sahənin inkişafı üçün yaradılan imkanlardan və mübahisələrin məhkəmədənkənar həllində təsisatın rolundan söz açıb. Nadir Adilov mediatorların peşəkarlığının artırılması, onların hüquqi və təşkilati baxımdan dəstəklənməsi istiqamətində görülən işləri qeyd edərək, əməkdaşların həmkarlar ittifaqında birləşməsinin bu sahədə əlavə imkanlar yaradacağını vurğulayıb. Görüşün sonunda Azərbaycan Dövlət İdarələri və İctimai Xidmət İşçiləri Həmkarlar İttifaqı Respublika Birliyinin sədri Hikmət Nəbiyev Mediasiya Şurasının ilk həmkarlar ittifaqı təşkilatının Birliyə üzv qəbul edilməsi barədə qərarı təşkilatın sədri Kamil Lətifova təqdim edib.
29 Oktyabr 2026
29 oktyabr 2026-cı il tarixində Quba rayonunda Azərbaycan Dövlət İdarələri və İctimai Xidmət İşçiləri Həmkarlar İttifaqı (ADİİXİ Hİ) Respublika Birliyinin təşkilatçılığı və Mediasiya Şurasının nümayəndələrinin iştirakı ilə “Əmək münasibətlərində mübahisələrin həlli və mediasiya imkanları” mövzusunda növbəti zona seminarı keçirilmişdir. Tədbirdə Quba, Qusar, Xaçmaz, Şabran, Siyəzən və Xızı rayonlarının həmkarlar ittifaqı komitələrindən ümumilikdə 145 nümayəndə iştirak etmişdir. Seminar çərçivəsində aşağıdakı əsas istiqamətlər üzrə geniş müzakirələr aparılmışdır: Əmək mübahisələrinin həlli və hüquqi maarifləndirmənin gücləndirilməsi; İşçi və işəgötürən arasında sosial dialoqun qurulması; Kollektiv əmək mübahisələrinin tənzimlənməsi; Həmkarlar ittifaqı nümayəndələrinin bilik və bacarıqlarının artırılması; Həmkarlar ittifaqı komitələri ilə mediasiya təşkilatları arasında əməkdaşlığın inkişafı. Mediasiya qurumu ilə birgə həyata keçirilən layihə çərçivəsində təşkil olunan seminar qarşılıqlı diskussiya və interaktiv dialoq şəraitində başa çatmışdır.
2026-cı ildə keçirilən mədəni-kütləvi tədbirlərin sayı
2026-cı ildə keçirilən seminarların sayı
İttifaqımızın fəaliyyəti və keçirilən tədbirlər haqqında aktual məlumatlar
Dövlət qurumlarının əməkdaşları üçün "İş yerində gender bərabərliyi" təlimi keçirilib
Quba rayonunda regional üzv təşkilatlarla görüş keçirilib
2 fevral gənclər günü ilə əlaqədar tədbir keçirilib
ADİİXİ Hİ Respublika Birliyi narkomanlığa qarşı mübarizəyə dair Dövlət Proqramının icrası ilə bağlı zona seminarı keçirib
